Written by Kelani Omótóyòsí

Nínú Tímótì keji ori kini, ese kefa, Àpọ́sítélì Pọ́ọ̀lù kò sọ fún Tímótì pé kó lọ ṣàwárí àwọn ẹ̀bùn rẹ̀. Ó sọ fún un pé kó ru ẹ̀bùn Ọlọ́run tí ó wà nínú rẹ̀ sókè. Ní ọjọ́ Àìkú, Alufa Adébísí túmọ̀ èyí sí pé: “Ọlọ́run dá wa ní kíkún. Ó fi àwọn ẹ̀bùn sínú wa tí yóò lè farahàn nìkan nígbà tí a bá fẹ́ ina wọn sí i.”

Kò sí ènìyàn tí Ọlọ́run dá tí o wa ni korofo. Ó lè jẹ́ pé o ti sọ fún ara rẹ pé o kò ní nǹkan láti fúnni, pé o kò ní ẹ̀bùn kankan, ṣùgbọ́n òtítọ́ ni pé Ọlọ́run ti fi nǹkan kan sínú rẹ; ọ̀nà kan ṣoṣo láti mọ̀ ọ ni pé kí o bẹ̀rẹ̀ sí í ṣiṣẹ́. Ẹ̀bùn rẹ kò ní hàn gbangba títí tí o bá kọ́kọ́ mu wọn ṣiṣẹ́, kí o sì máa dágbà sí i nípasẹ̀ ìmúlò títẹ̀síwájú. 

Ọ̀pọ̀ ìdí ló wà tí a fi máa rò pé a kò ní ẹ̀bùn kankan, bí ó tilẹ̀ jẹ́ pé ohun kan ń rú nínú wa, ń fa wa láti ṣe ohun kan. Ọ̀kan lára àwọn ìdí wọ̀nyí ni ìbẹ̀rù. “Ẹ̀mí kan wà nínú wa tó fẹ́ ṣe ohun kan, ṣùgbọ́n ẹ̀mí míì ń dènà ìfẹ́ àti ìtara láti ṣe é.” Nígbà míì, a lè gbìyànjú láti fi ẹ̀bùn wa hàn, ṣùgbọ́n ìdánilẹ́kùn tàbí ìkórìíra láti ọ̀dọ̀ àwọn tó yí wa ká lè mú ká bẹ̀rù, ká sì tún pa á mọ́. Ìdí nìyẹn tí ó fi ṣe pàtàkì kí a máa ṣọ́ra pẹ̀lú àwọn tá a ń bá rìn.

Ìròyìn ayọ̀ náà ni pé, àwọn ìdènà wọ̀nyí kò lágbára ju iṣẹ́ ọwọ́ Kristi lọ. Ẹ̀mí tí ń gbé inú rẹ kì í ṣe pé kí ó jẹ́ kó ní ìdíwọ̀n nítorí ìbẹ̀rù. Ohun tí o gbọ́dọ̀ ṣe ni pé kí o dìde, kí o máa ṣe àdáse nígbà gbogbo pẹ̀lú lílo àwọn ẹ̀bùn wọ̀nyí, kí o sì máa gbàdúrà pé kí Ọlọ́run ràn ọ́ lọ́wọ́ láti lò wọ́n fún ète rẹ̀. Pẹ̀lú èyí, Ọ̀rọ̀ Ọlọ́run ni gbogbo ìgboyà tí o nílò. Ẹ̀mí rẹ gbọ́dọ̀ máa jẹ ohun rere, àti Ọ̀rọ̀ Ọlọ́run ni oúnjẹ rẹ. “Nítorí Ẹ̀mí tí Ọlọ́run fi fún wa kì í ṣe ti ìbẹ̀rù, ṣùgbọ́n ti agbára, ìfẹ́ àti ìṣàkóso ara ẹni”  (Timoti orí kini, ese keje). Ó lè nira láti koju ìbẹ̀rù, ó sì lè rọrùn láti fi ìmọ́lẹ̀ rẹ pamọ́. Ṣùgbọ́n o gbọ́dọ̀ dìde!

Ọlọ́run tí fi ẹ̀bùn sínú rẹ, ń paṣẹ fún ọ láti jẹ́ kí ìmọ́lẹ̀ rẹ tàn níwájú àwọn ènìyàn láì bẹ̀rù tàbí tijú. Ó ní ìreti lọ́wọ́ rẹ, kí ló dé tí o fi fẹ́ ṣe ìbànújẹ fún un? Wo inú ara rẹ dáadáa, kí ni àwọn ohun tí o ti rántí pé o lè ṣe, ṣùgbọ́n ìbẹ̀rù ń dí ọ lọwọ láti mú wọn ṣẹ? Àwọn ẹ̀bùn wo ni o ní tí o kò tíì lò dáadáa? Ẹ̀mí Mímọ́ ń gbé inú rẹ. Lo àwọn ẹ̀bùn rẹ!

Ẹ gbádùn ìwàásù náà ní kíkún níbí.

Written by Kelani Omótóyòsí