Written by Kelani Omótóyòsí

Nígbà tí Alufa Tunji Bamgbose ń sọ̀rọ̀ nípa Ìyè, Agbara àti Ìbùkún Ìfẹ́ Ọlọ́run, ó tún mú ìfẹ́ Ọlọ́run tí àwa ń rí láàyè wa wá síwájú lẹ́ẹ̀kansi ‘ìyè tí ó jẹ́ ayérayé tí ó sì kún fún ìbùkún àti ògo.’ Ó jẹ́rìí sí ìjọ pé ìfẹ́ Ọlọ́run dàgbà tó bí Ọlọ́run fúnra rẹ̀, kò ní ìbẹ̀rẹ̀, kò sì ní ìparí, ó sì kún fún agbára ìtura, tí ń fúnni ní ayọ̀ ayérayé, àlàáfíà, àti ayọ̀ inú. Pẹ̀lú ìfẹ́ Ọlọ́run, kò sí àyè fún ìparun rárá, bí kò ṣe ìyípadà àti ìtúnṣe ẹ̀mi titi ayeraye. (Johanu ori keta, ese kerindilogun)

Alufa si rán ìjọ leti pé ìfẹ́ Ọlọ́run kì í ní àdéhùn kankan, a sì jẹ́ ti rẹ̀, nítorí náà, ó yẹ kí ìjọ máa wo gbogbo ǹkan nípasẹ̀ ojú ìfẹ́. Bí irúgbìn Ọlọ́run bá wà nínú rẹ, ìfẹ́ rẹ gbọ́dọ̀ ní agbára láti tún ìyè ènìyàn ṣe, láti mú ìtùnú wá, láti mú ènìyàn di ẹni rere, láti mú ayọ̀ wá sí ayé wọn, àti láti jẹ́ kí ènìyàn gbé nínú àlàáfíà. Síbẹ̀, ìṣẹ́ tí a fi lé wa lọ́wọ́ gẹ́gẹ́ bí Kristẹni kì í ṣe pé ká kede ìfẹ́ Ọlọ́run yìí fún àwọn ènìyàn nìkan, ṣùgbọ́n pé ká tún kede e sí orílẹ̀-èdè wa pẹ̀lú.

Nítorí náà, kò gbọ́dọ̀ sí ìkórìíra ẹ̀yà kankan tàbí ènìyàn búburú nínú wa, bí ki a feran  Ọlọ́run gẹ́gẹ́ bí Ọlọ́run ìfẹ́. Nítorí Ọlọ́run kò dá ayé sílẹ̀ nínú ìkórìíra, ṣùgbọ́n nínú ìfẹ́. Nítorí náà, láìka ìparun, ìbàjẹ́, ìtànjẹ, tàbí ìṣòro kankan tí ń lọ lórí ayé tàbí nínú ayè ẹni kọọkan wa, ìfẹ́ Ọlọ́run tí kì í yípadà ní agbára ìràpadà, ìyípadà, àti ìtúnmú-ọkàn-àyé.

Kí ni idi ìfẹ́ Ọlọ́run? “Láti mú inu ènìyàn dun, kí wọ́n sì máa yọ̀ nínú rere àti otito Ọlọ́run.” (Joeli ori keji, ese ketalelogun si ese ketadinlogbon). Nítorí náà, ṣe o gbagbọ́ pé “nítorí pé Ọlọ́run fẹ́ ayé to be e ge”? Ṣe o gbagbọ́ pé Kristi ni àfihàn gidi fun ìfẹ́ Ọlọ́run? Ṣe o gbagbọ́ nínú Kristi? Ìgbàgbọ́ rẹ nínú gbogbo èyí ni ìdánilójú ìbùkún àti agbára Ọlọ́run nípasẹ̀ ìfẹ́ rẹ̀.

Nípasẹ̀ ìfẹ́ rẹ̀, a jogún ìbùkún ayeraye, ògo àìnípẹ̀kun, àti ìyè àìnípẹ̀kun.

E wo iwasu lekun rere nibi.

Written by Kelani Omótóyòsí